مشعل إيدنا بزنارك يلا لغزة لنحارب ونحرر
أحمد دغلس
لا إتآخذني يا صاحبي بدي أفش ُغُلي بالعامية عشان يفهمو أهلي ورفايقي في فلسطين وتباعون السلطه ، أنا قريت اللي قولتوا في مؤتمر الشام إمبيرح ، والله إنبسطت عليه كثير ونعلت ابو كل اهل السلطة إللي ميش فاهمينك وإللي دايرين بسبوا عليك وبسبو... وبسبو وفاظحينا .
قريت وشوفتك يا خوي خالد في التلفزيون ما شا الله ...ما شا الله ، إتفتحت نفسي وقلت إ نو بالدينيا خير ، ومشعلله فيك ياخوي إللي بدك ترجعنا وتخلصنا من كل البلاوي إللي احنا فيها .
بتقول إنو إللي بصير بغزة عار ، والعرب صامتين على هالجريمه ... هاظا ما فهمتوش منك ... بتعني عار عليهم إنو إحنا نقتل بعظنا وندب بعظ من فوق الفوق ... ونقطع إجريهم ، ونخرب بيوتهم وما بيجوش ( يعزونا ) ؟؟؟؟ ولا بتعني إنوا العرب مسكرينها بوجهنا لا ( مخلينا ) نقاتل و لا نتخبى في الجولان ولا مخلينا نتدرب بالغوطة ولا حتى نظرب فشكه واحده من حدودهم على الملاعين اليهود .
بتقول إنك ميش مع المفاوضات وأنا كمان ميش معاها والله يلعن إللي بقعد مع اليهود ويحرق جنابه ومستاهل شلوط على طيزه ... لكن يا خوي يا خالد ، بتعرف إحنا مش متعلمين مثلك لأنوا إنت قريت مع إولاد الأمرا في لكويت وإحنا قرينا مع العكاريت إللي في السلطة !! ممكن إطوِلْ بالك علي وتفهمني لأنوا فهمي مرات بكون قليل ؟؟ مع مين بنا نتفاوض ؟؟ مع إلي بحتلنا وناعل ابونا ولا مع إلي واقف معانا !! هاذي إسمحلي فيها ، ميش فاهمها وميش فاهم تبعكم إللي أسمه ( يوسف ) كان بتفاوظ مع مين في سويسرا ؟؟؟ ولا كان يبوس اليهود هناك بس ، وكمان شغله قبل ما انسى ، إنتوا بتقولو أنو موافقين على دوولة في الظفه وغزه والقوديس ... طيب الله يصلحك يا رمزنا .. كيف بنا دووله وهومي العكاريت مستحلينها ، مع مين بنا نحكي .. طيب لخاطرك بواسطة المصريين ولا القطريين ولا الأردنيين لكن يا فصح لما بتوسطوا ميش لازم إحنا بعدين ( نمظي) ونقعد نتصور معاهم ونرفع علمنا بحد نجمتهم !! ولا إنت بدك ( طيِيْز) إلهم وتقلهم إطلعوا يا عكاريت وإنتي يا خوي قاعد في الشام وبتوكل وبتشرب وبتزور وبتصرح وبتزبد ... (بس) من بعيد وياريتك يا خالد بيناتنا ليتشوف إولادنا ونسوانا في غزة إللي إنت ( بتعيط ) عليها وعليهم من بعيد بتفطر حمص ومقدوس شامي وبتتغدى لحمة وبتتحلى بزنود الست ، وبتتعشى عالخفيف حتى ما تقلق ، (وبتتحسر) قهوه وشاي بالنعنع إللي ريحته عاميه نظر تبعون رام الله ،وبعدين بتفرك زورك بالزنجبيل على شان صوتك لما بتحكي في التلفزيون يلعلع وعشان اليهود يخافو ... وميشان عيونك الله يخليها إيلي مكحله الله يسترها من عين الحسود مشان يحسبو حسابها ألف حساب .
والله إحنا مشتاقين إلك يا ابو مصعب غايب عنا يوم في الدوحه ويوم بتعمل العمره وبتحج كمان عنا الله يعطيك كل ثوابها ، بس إحنا عتبانين عليك إشويه لوَنك فاظي تسمعلنا بالعربي واحسن إلنا عشان نفهمك بالعامي بالفلسطيني ، ألله يخليك ميش ( بالإيراني ) ... الغربا والأجانب بيجوا بالبحر يزوروا غزة ، أنا ميش فاهم ؟؟ ما إشتقتش لاخوك إسماعيل ولا محمود ولا لحدى منهم ؟؟ ليش ما تيجي لغزة علشان ننعل ابواليهود وإللي خلفهم ، وعشان تقودنا ونتقوى فيك يا ابو مصعب ... وعشان إتشوف غزة وتشوف لبلاد ... وكيف إحنا وإنت معانا... بنا ننعل ابوهم وأبو إللي خلفهم ونطردهم ونوخذ حقنا وعشان اخوك إسماعيل ينحرلك جمل في دارو في الجوره وتوكل معانا ( القدره ) وعشان تيجي بغصب عن أيلي هذا بنادولوه ( بابو مازن ) في الظفه عند أخوك الشاعر علشان توكل معاه مسخن طابون بصيصان وزغاليل فلسطينية ، مش من مزارع إيرانية ولا قطريه ، معموله بزيت طولكرم ومشان خاطرك كمان من زيتكم من ( قظا ) رام الله ، (و) منوْعِدَك ميش بسمنه (شاميه) ولا كوكوز وكالة (الغوث) ولا زيت فسدق (عجمي ) بزيت فلسطيني صافي ما فيه لا (( زيبار)) إيراني ولا ميه سوريه ولا نكهة سعودية ولا فيه ريحة آل ثاني ولا آل عاشر ، وبتشوف القدس والسور أحسنلك من شوفة قم والدوحه والغوطه وبتتخلص من جميلة إخواتنا الشوام إللي عينهم عليك وبقولو الناس إنهم بذايكوك .
بعدين ميش عاجبك فرقه (ألأهل) بين غزه والظفه ... طيب ليش !!!!! ميش إنتي إللي شفتهم كيف هربو عند اليهود وما توسطش لاعند إسماعيل ولا عند محمود ولا حتى عند إزغيرهم الجعبري ، هسا صارلك ( إجر) في غزة وصارلك أهل كلهم بصوموا ودايما في الجوامع ( بدعوا ) على اليهود الله يوخذهم .... وحتلاقيهم كلهم معاك بكره في جنة غزة .. ميش مثل تبعون الظفة هاذول عكاريت بحكوا مع اليهود ومرات ببوسوهم وميش تبع مقاومة لا عندهم صواريخ ولا حدى فيهم (واحد) بدوا يفجر حالو ... و صحبه مع اليهود في بيناتهم صلح ميش مثلك الله يرضى عليك هدنه لخمسطاشر سنه بس بتممد (وبتتجبد) بعد النوم ، بتجددها وبتججدها على كيفك ولا بتحكي معاهم ولا كلمه ولا بتفاوضهم ولا اكل خرى ، وبتنعل ابو كل واحد ميش موافق عليها وإللي بظربلو فتاش بتقول عنو ميش وطني وبتنعل كل اهلوا وبتحبسو لأنو خاين .
الله يخليك ويحفظك إلنا وحنا كلنا بنشد إيدينا بحزامك (بس) ساق الله عليك تسيبنا من الشام وطهران والدوحه وتيجي عنا في غزة وبالأصنصير حنسحبك من رفح لغزة ... وبنوعدك إنو النفق يكون مظوي وما تخفش دمك في رقبتنا وإنتي لا تنسى إنك من عظمة الرقبه ، عشان نكون مع بعظ لما نكسر اليهود وننعل أهلهم واهل إللي جابهم ومشان عيونك هاندبكلك دبكة اهل رام ونغنيلك عالادلعونة جنين وقباطيه وننشدلك قسم اهل غزة والحدى يزغرت >>> الله معاك يا محررنا ... يا سندنا يا مشعلنا <<< .
أحمد دغلس